Millimizin və “Vulverhempton”un hücumçusu Renat Dadaşovun FutbolPlanet.Az saytına müsahibəsi:

- Uzunmüddətli zədədən sonra durumun necədir?

- Vəziyyətim normaldır. 60 faiz özümü hazır hiss edirəm. Tezliklə meydanlara qayıdacam və davam etməyə başlayacam. 

- Zədədən qayıtdıqdan sonra  hədəfin “Vulverhempton”un əsas komandasında çıxış etmək olacaq?

- Əvvəlcə, tam bərpa prosesini keçməliyəm. Ümid edirəm ki, növbəti mövsümün əvvəli əsas komandanın heyətində olacam. 

- Azərbaycan çempionatını izləyirsən?

- Daha çox oyunların videoicmallarına baxıram. Demək olar ki, bütün oyunların görüntülərini izləyirəm. 

- “Qarabağ”, yoxsa “Neftçi” çempion olacaq?

- İkisinin də eyni xalı var. Komandalar mövsümü yaxşı keçirir və yaxşı oyun göstərirlər. Bu səbəbdən nəsə demək çətindir. 

- Azərbaycan milli komandasının düşdüyü qrup haqqında nə deyə bilərsən? 

- İndidən nəsə demək çətindir. Açığı, oyunları oynamadan qrup haqqında fikir söyləmək də olmaz. Ağır və çətin qrupdur. Ümid edirəm pozitiv nəticə alarıq. 

- Azərbaycan yığması ilk oyununu Portuqaliyaya qarşı keçirəcək...

- Çox çətin olacaq. Bu cür dünya ulduzlarından ibarət yığmaya qarşı oynamaq həqiqətən çətin işdir.

Elvin Rüstəmov

Tərcümə: Elsevər Məmmədov