"Qəbələ" "Dinamo"nu məğlub etdi

“Qəbələ” və Gürcüstan “Dinamo”sunun (Tbilisi) aşağı yaş qrupları üzrə komandaları arasında növbəti oyunlar keçirilib. FutbolPlanet.Az xəbər verir ki, klubun akademiyamısının U-15 və U-13 komandaları Azərbaycanın qonağı olan qonşu ölkə təmsilçisinin müvafiq yaş qruplarından olan həmyaşıdları ilə görüşüb. "Qəbələ"nin 13 yaşadək futbolçuları “Dinamo”ya 0:2 hesabı ilə uduzub. U-15 komandası isə meydanı qələbə ilə tərk edib. "Qırmızı-qaralar" 2:1 hesabı ilə qalib gəlib. “Qəbələ”nin qollarına Kamal Kazımov və Ümid Həmzəyev imza atıb.

Xatırladaq ki, bölgə təmsilçisinin komandalarının iki gün öncə keçirilən ilk yoxlama oyunlarında U-13 3:2 hesabı ilə qalib gəlib, U-15 isə 0:1 hesabı ilə məğlub olmuşdu.

loading...